Մեխանիզատորը վախենում է դաշտ մտնել՝ ամեն պահ թշնամին կարող է կրակել. եթե կրակեն, դրա պատասխանն ո՞վ է տալու. Վերին Շորժայի վարչական ղեկավար
«Մեր հողերի մեծ մասը թշնամու հսկողության տակ է, չենք կարողանում մշակել։ Օրինակ, ցորեն չենք կարողացել ցանել, որովհետև մեխանիզատորը վախենում է դաշտ դուրս գալ, ի՞նչ իմանանք, որ պահին թշնամին կկրակի։ Հո մենք պայմանագիր չունե՞նք կնքած թշնամու հետ, թե որ ժամանակ չպետք է կրակի, անկանխատեսելի է, ցանկացած պահի կարող է կրակել, տեսանք՝ տեխնիկան մտավ դաշտ, կրակեն, դրա պատասխանն ո՞վ է տալու։ Սա է պատճառը, որ վար ու ցանքս չենք արել։ Այս 20-30 տոկոսն էլ մի կերպ ենք մշակել, թեթևակի գարի ենք ցանել»,- նշեց Արտյոմ Երանոսյանը։