Fannemel og Søberg inn i teamet rundt hoppgutane
Anders Fannemel og Sigurd Søberg får sentrale roller rundt hoppgutane i OL-sesongen, det melder Noregs Skiforbund i ei pressemelding.
Fannemel, som har vore trenar for landslaget mot slutten av førre sesong, blir trenar saman med hovudtrenar, Rune Velta.
Søreng får hovudansvar for hoppdressar i rolla som science-konsulent. Han skal også bidra som ein trenarressurs.
– Anders gjorde ein solid jobb under vanskelege forhold mot slutten av førre sesong. Han veit kva som krevjast for nå helt til topps som utøvar og har tidleg vist at han har kvalitetar som trenar vi i hopp-Noreg vil dra stor nytte av i tida som kjem.
Det seier sportssjef Jan-Erik Aalbu og held fram:
– Sigurd er ein allsidig ressurs som vil bidra både rundt hoppdressar og på trenarsida. Vi har eit lite, men svært dedikert team som kan dekkje mange roller.
Rune Velta blei nyleg tilsett som hovudtrenar for 2025/26-sesongen.