Хоразмда сомон ёққани учун фуқаролар жаримага тортилди

Хоразмда айрим фуқаролар сомон ва ўсимлик қолдиқларини ёқиб, ҳавони ифлослантирган, деб nova24.uz хабар берди. 17 июнь куни ижтимоий тармоқларда шундай ҳолатлар кузатилгани ҳақида хабарлар тарқалди.

Шундан сўнг Хоразм вилояти прокуратураси ва экология, атроф-муҳитни муҳофаза қилиш ҳамда иқлим ўзгариши бошқармаси тезкор рейдлар ўтказди. Урганч ва Хонқа туманларида очиқ ёнғин билан ўсимлик қолдиқлари ёқилаётгани аниқланди.

Текширув натижасида Урганч туманида яшовчи 3 киши ва Хонқа туманидан яна 3 фуқарога нисбатан Маъмурий жавобгарлик тўғрисидаги кодекснинг 88-моддаси 3-қисмига асосан протокол тузилди. Ҳар бир фуқарога 1 125 000 сўм миқдорида жарима солинди.