OnePlus Bullets Wireless Z3 қулоқчинлари тақдим этилди

OnePlus компанияси Bullets Wireless Z3 номли янги симсиз гарнитурасини тақдим этди, деб rozetked.me хабар берди. Ушбу модел 12,4 мм динамиклар, BassWave технологияси, Bluetooth 5.4 ва IP55 чанг-сувдан ҳимоя билан жиҳозланган.

Қулоқчин фақат 10 дақиқа қувват билан 27 соат мусиқа эшитишни таъминлайди. Тўлиқ қувватда 36 соат мусиқа ва 21 соатгача суҳбат қилиш имконини беради.

Гарнитура Google Fast Pair орқали тез уланади, фазовий аудиони қўллаб-қувватлайди ва ақлли шовқин камайтириш функциясига эга.

OnePlus Bullets Wireless Z3 қора ва қизил рангларда тақдим этилган. Нархи – 1699 ҳинд рупияси, тахминан 255 000 сўм.