Курьерлар ҳуқуқи ва мажбуриятлари тасдиқланди
Низом электрон тижоратда курьерлик хизмати фаолиятини амалга ошириш тартибини белгилайди.
Низомга кўра, курьер – тадбиркор ёки етказиб бериш хизмати операторлари билан меҳнат шартномаси ва (ёки) фуқаролик-ҳуқуқий шартнома асосида фаолият юритувчи жисмоний шахс, шу жумладан ўзини ўзи банд қилган шахс ҳисобланади.
Етказиб бериш хизмати операторлари ва курьерлар шартномада назарда тутилган бўлса, харидорлардан товар ёки хизматлар учун тўловни қабул қилиш ҳуқуқига эга. Бунда назорат-касса техникаси қўлланилиши ва чек (электрон ёки қоғоз шаклда) тақдим этилиши лозим.
Озиқ-овқат маҳсулотларини етказишда транспорт воситалари ва термоконтейнерлар тозалиги, тўғри ишлаш ҳолати, мунтазам ювиш ва дезинфекция қилиш талаб қилинади.
Курьерларга қуйидагиларни амалга ошириш тақиқланади:
. товар қадоғини ўзбошимчалик билан очиш
. харидорнинг шахсий маълумотлари ва товар ҳақидаги маълумотларни учинчи шахсларга ошкор этиш