Даъвогардан давлат божи ундирилди

Мажбурий ижро бюросининг Хоразм вилояти бошқармаси иш юритувига қарздор А.Б.дан давлат фойдасига 34 млн. 539,8 минг сўм бож ундириш тўғрисидаги ижро ҳужжати келиб тушган.

Хусусан, фуқаролик ишлари бўйича Урганч туманлараро судининг ижро варақасига кўра, даъвогар А.Б.нинг собиқ турмуш ўртоғи жавобгар Ж.А.га нисбатан уй-жойни умумий мулк деб топиш ва улушларни белгилаш ҳақидаги даъво аризаси юзасидан юритилган фуқаролик иши бўйича давлат божи ундирилиши белгиланган.

Мазкур ижро ҳужжати бўйича давлат ижрочиси томонидан олиб борилган ҳуқуқий тушунтиришлар натижасида қарздор А.Б. томонидан 34,5 млн. сўм миқдоридаги давлат божи тўлиқ ундирилиб давлат фойдасига йўналтирилди.