Qırımdaki «Taygan» arslanlar parkınıñ müdiri Oleg Zubkov arslannıñ ücüminden soñ ağır alda buluna. Rusiye kütleviy haber vastalarınıñ malümatına köre, Zubkovğa Rusiye işğal etken Mariupolden qanunsız çıqarılğan arslan ücüm etti. Bıltır Mariupolden ketirilgen arslanlar Zubkovnıñ «sağ qolu», yıllar devamında «Tayganda» çalışqan hadim Leokadiya Perevalovanı öldürgen edi. O vaqıt Zubkov «arslanlar hatalarnı afu etmey», dep aytqan edi. «Taygan» parkı telükesizlik qaideleri bozulğanı içün ve facialı adiseler sebebinden çoq qapatılğan edi. Amma Zubkov cezadan qaçıp, işğalci akimiyetnen añlaşa edi.
