ავსტრალიამ უკრაინას M1A1 Abrams-ის ტანკები გადასცა
19 ივლისს, ავსტრალიის მთავრობამ განაცხადა, რომ უკრაინას გადასცა M1A1 Abrams-ის ტიპის ტანკები, რუსეთის წინააღმდეგ ბრძოლის დახმარების პაკეტის ფარგლებში (პაკეტის მოცულობა 160 მილიონ ამერიკულ დოლარს შეადგენს).
ინფორმაციას Reuters აქვეყნებს.
ავსტრალია, როგორც ერთ-ერთი უმსხვილესი, ნატოს არაწევრი ქვეყანა, უკრაინას 2022 წლის თებერვლიდან, ანუ უკრაინაში რუსეთის შეჭრის დღიდან ეხმარება საბრძოლო მასალითა და თავდაცვითი აღჭურვილობით.
„M1A1 Abrams-ის ტანკები მნიშვნელოვნად გააძლიერებს უკრაინის ძალისხმევას რუსეთის არალეგალური და ამორალური შეჭრის წინააღმდეგ“, - აცხადებს ავსტრალიის თავდაცვის მინისტრი რიჩარდ მარლსი.
მისივე თქმით, უკრაინამ უკვე მიიღო ავსტრალიის მიერ დაპირებული 49 ტანკიდან უმრავლესობა, ხოლო დანარჩენი გადაეცემა მომდევნო თვეებში.
2022 წლიდან დღემდე, ავსტრალიამ უკრაინას სამხედრო დახმარების სახით უკვე გამოიყო 980 მილიონი აშშ დოლარი.
ცნობა იმის შესახებ, რომ ავსტრალია უკრაინას M1A1 Abrams-ის ტანკებს გადასცენდა, 2024 წლის ოქტომბერში გავრცელდა.
უკრაინის ხელმძღვანელობა დაჟინებით ითხოვდა დასავლური წარმოების ტანკებს 2022-2023 წლების ზამთარში, როცა ისინი შეუცვლელი ჩანდა მოახლოებული კონტრიერიშისთვის.