د کوټې اوسېدونکی عبدالرحمان بلوڅ د یخ جوړولو په کارخانه کې مزدوري هم کوي او سږ کال د بلوچستان د ولسي یا عامه خدماتو د کمېسیون (بلوچستان پبلک سروېس کمېشن) د مقابلې په ازموینه کې بریالی شوی دی. په پاکستان کې د وفاق او صوبو پر کچ د لوړپوړو سرکاري او بیوکراسۍ دندو ترلاسه کولو لپاره هغه ازموینې خورا مشکلې ګڼل کېږي او سخت زیار ته اړتیا لري. ټاکل شوې چې بلوڅ د لرغونپوه (ارکیالوجېسټ) په توګه دنده پیل کړي خو وايي، د بې وزلۍ له وجې لا د یخ په کارخانه کې کار نه شي پرېښودی. نوموړي په ۲۰۱۶ز کال کې د اسلام اباد له قایداعظم پوهنتونه په لرغونپوهنه کې ماسټري کړې وه. ویډیويي رپورټ.
