“Реал” янги йўналиш сари: Хаби Алонсо ва таркибий тўлқинлар
“Қироллик клуби” бош мураббийлигини ўз қўлига олган Хаби Алонсо жамоани шахсий қарашлари ва услубига мослаштириш мақсадида жиддий ислоҳотларни амалга оширишга киришди, деб хабар берди marca.com.
Испаниялик мутахассис бу жараёнда жамоа таркибини тўлиқ қайта кўриб чиқмоқда. Алонсо Франция терма жамоаси сафида ҳам тўп тепган чап қанот ҳимоячиси Ферлан Менди хизматларидан воз кечишни маъқул топди. Яъни, тажрибали ҳимоячи энди мураббий режаларига тўғри келмаяпти ва унинг келажаги “Реал”да савол остида қолмоқда.
Сўнгги маълумотларга кўра, жамоа мураббийлар штаби чап қанот ҳимоя позициясини тўлиқ яқинда “Бенфика” клубидан таклиф этилган Альваро Каррерасга ишониб топшириш ниятида. Ушбу қарор натижасида Ферлан Менди асосий таркибдан четлатилиши эҳтимоли кучайди ва у бу вазиятда фақат “қурбон” сифатида қолмоқда.
Қизиғи, Ферлан Менди ўтган мавсумда соғлиги билан боғлиқ муаммолар сабабли деярли бутун йилни ўтказиб юборган эди. Ҳимоячининг амалдаги шартномаси 2027 йил ёзигача амал қилишига қарамасдан, “Реал Мадрид” раҳбарияти ҳозирнинг ўзида уни трансфер рўйхатига қўшишни мақсад қилмоқда.
Мухлислар учун бу қарор кутилмаган бўлиши мумкин, лекин клуб ва бош мураббий янги босқичда янги ғоялар ва ёш иқтидорларга ишонч билдирмоқда. Ферлан Мендининг келажаги эса Европа клублари бозорида янги қизиқишлар уйғотиши шубҳасиз.