Нәни улын һәм кызын газаплаган өчен Казанда яшәүче хатын-кызга карата җинаять эше ачылды
Казанда яшәүче хатын-кызның биш яшьлек кызын һәм ике яшьлек улын кыйнавы турында социаль челтәрләрдә хәбәрләр чыкканнан соң тикшерүчеләр аңа карата җинаять эше кузгаткан. Бу хакта Россия Тикшерү комитетының матбугат хезмәте хәбәр итә.
«Россия Тикшерү комитетының Татарстан Республикасы буенча тикшерү органнары тарафыннан «Балигъ булмаганнарны газаплау» маддәсе буенча җинаять эше ачылды», – диелә хәбәрдә.
Җинаять эшен тикшерү барышы турындагы докладны Россия Тикшерү комитетының үзәк аппаратына тәкъдим итәчәкләр.