Kamçatkanyň kenarlarynda güýçli ýertitreme boldy
30-njy iýulda Russiýanyň Kamçatka kenarlarynyň golaýynda 8.8 bal derejesinde ýer titredi. Bu 2011-nji ýyldan bäri dünýäde we 1952-nji ýyldan bäri sebitde hasaba alnan iň güýçli ýer sarsgyny boldy.
Bu ýer titremäniň yzýany Kamçatkada, Kuril adalarynda, Gawaýi adalarynda, Alýaskada, Demirgazyk we Merkezi Amerikada, Täze Zelandiýada we Ýaponiýada sunami howpy yglan edildi.
Sewero-Kurilsk sebitine sunaminiň dört tolkuny gelip urdy. Birnäçe metr beýiklikdäki suw tolkunlary balyk zawodyny we porty örtdi.
TASS agentliginiň habaryna görä, Kuril adalaryndan 2 müň 700 töweregi adam, şol sanda 600-e golaý çaga howpsuz ýerlere ewakuasiýa edildi.