Май аенда Россиядә реаль хезмәт хаклары 4,2 процентка арткан
Май аенда Россиядә реаль хезмәт хаклары 4,2 процентка арткан, дип күренә Росстат докладыннан.
Реаль хезмәт хакы - инфляция дәрәҗәсен исәпкә алып, уртача исәпләнгән хезмәт хакы.
Агымдагы елның гыйнвар-май нәтиҗәләре буенча реаль хезмәт хаклары, 2024 елның шул ук чоры белән чагыштырганда, 3,8 процентка арткан.
Оешмалар хезмәткәрләренең уртача айлык хезмәт хакы (салымнарны исәпкә алмаганда һәм премияләрне дә кертеп) май аенда 99 422 сум тәшкил иткән. Узган елның мае белән чагыштырганда 14,5 процентка арткан.
Икътисади үсеш министрлыгы фаразлары буенча, Россиядә хезмәт хаклары реаль чагылышта 2025 ел нәтиҗәләре буенча 6,8 процентка артачак.