Осиё чемпионатида 7 нафар боксчимиз илк жангда иштирок этишади
2025 йил 30 июлдан 12 августгача Таиланднинг Бангкок шаҳрида 22 ёшгача бўлган боксчилар ва қизлар ўртасида Осиё чемпионати бўлиб ўтмоқда. Қитъа миқёсидаги ушбу йирик мусобақада 25 та давлатдан жами 367 нафар боксчи иштирок этмоқда. Улардан 220 нафари ўғил болалар, 147 нафари эса қизлардир.
Бугун, 1 август куни чемпионат доирасидаги илк кунги баҳсларда Ўзбекистон терма жамоасининг 7 нафар вакили рингга кўтарилади. Улар ўз вазн тоифаларидаги илк жангида ғалаба учун кураш олиб борадилар.
Қуйида боксчиларимизнинг рақиблари билан жуфтликлари:
-
48 кг: Мафтуна Мусурмонова – Аланоод Алғамди (Саудия Арабистони)
-
54 кг: Муслима Турғунова – Жанел Имантаева (Қозоғистон)
-
57 кг: Робия Равшанова – Юбеен Сео (Жанубий Корея)
-
50 кг: Одилшоҳ Ҳалимов – Акаш Бадвар (Ҳиндистон)
-
75 кг: Муҳаммаджон Яқупбоев – Амирмаҳди Сабзи (Эрон)
-
80 кг: Норбек Абдуллаев – Локеш (Ҳиндистон)
-
+80 кг: Ислом Салиҳов – Бексултан Қайратули (Қозоғистон)
Мусобақа жараёнида боксчиларимизга омад ва муваффақият тилаб қоламиз. Чемпионатда ёш боксчиларнинг фаолияти нафақат мамлакатимиз спорт соҳаси, балки келажакдаги Олимпия умидлари учун ҳам муҳим аҳамиятга эга.