Meteorolog: – Kan bli 20 grader i Longyeardalen onsdag

I Longyeardalen på Svalbard er det sommartemperaturar onsdag morgon.

Vakthavande meteorolog Marek Ratajczak ved Meteorologisk institutt seier at dei varme luftmassane frå fastlandet har kome seg dit.

– Temperaturane er interessante. I Longyeardalen har det faktisk kome opp i 17 grader allereie no på morgonen. Så får vi sjå om det stig litt meir. Det er potensial for at det kan komme opp i 20 grader, faktisk, sa han til NRK kl. 07.30.