WhatsApp 6,8 миллион фирибгар аккаунтни ўчирди
WhatsApp 2025 йилнинг биринчи ярмида фирибгарлик билан боғлиқ 6,8 миллион аккаунтни блоклаганини эълон қилди. Кўплаб аккаунтлар Жануби-Шарқий Осиёдаги жиноий гуруҳлар билан боғлиқ бўлиб, улар мажбурий меҳнат орқали одамларни сохта инвестиция схемаларига жалб этган. Фирибгарлар одатда фойдаланувчиларга СМС юбориб, уларни хабарлашув иловалари орқали алдаган ва тўлов платформалари орқали пул ундиришган.
Платформа янги хавфсизлик чораларини жорий этди — масалан, фойдаланувчи контактлар рўйхатида йўқ бўлган одам уни гуруҳга қўшса, махсус огоҳлантириш пайдо бўлади.
WhatsApp эгаси Мета билан фирибгарликка қарши курашда фаол ҳамкорлик қилаётганини, шунингдек, шу йўналишда ChatGPT ишлаб чиқувчиси билан ҳам ишлаганини билдирди. Уларга кўра, аккаунтлар фаолият бошлашидан олдин аниқланиб, ўчириб ташланган.
Фирибгарлик марказлари одатда Мянмар, Камбоджа ва Таиланд каби мамлакатларда жойлашган бўлиб, бу ерда одамларга алдовлар орқали иш ваъда қилинади, сўнг улар мажбуран фирибгарлик фаолиятига жалб этилади. Маҳаллий расмийлар аҳолини ҳушёрликка чақирмоқда.
Мутасаддилар фойдаланувчиларга номаълум манбалардан келган гуруҳ таклифларини эҳтиёткорлик билан кўриб чиқишни ва олдиндан тўлов талаб қилувчи таклифларга ишонмасликни тавсия қилмоқда.