Сеулда Хан дарёсидан "монстр" чиқди: Интернетни қўрқитган воқеа (видео)

Жанубий Корея пойтахти Сеулдаги Хан дарёсидан туширилган видео бутун интернет фойдаланувчиларини ҳайрат ва таҳликага солди. Видеода акс этган номаълум жонзот фақат маҳаллий аҳоли эмас, балки бутун дунёдаги таниқли блогерлар ва таҳлилчилар орасида ҳам муҳокамаларни авж олдирди.

Бу воқеа Ёутубедаги Jungdam Story каналида пайдо бўлган «Сеулдаги Хан дарёсидан ҳақиқий монстр чиқди» сарлавҳали видео орқали тарқалди. Мазкур ролик бир неча соат ичида минглаб кўришлар ва юзлаб изоҳларга эга бўлди.

Видеонинг муаллифи кечаси балиқ тутиб ўтирар экан, сувда ғалати ҳаракатни пайқаб қолади. Аввалига бу катта балиқ деб ўйлайди, аммо диққат билан қараганда — ундан анча йирик ва узун жонзот эканлиги аён бўлади. Кадрларда қоронғи ва узун танадаги махлуқ сув юзасида қимирлаб келаётгани кўринади. Қўрқиб кетган балиқчи буюмларини ташлаб, у ердан тезда кетганини айтмоқда.

Унинг сўзларига кўра, бу махлуқ тахминан 20 дақиқа давомида сувда ҳаракатда бўлган. Унинг узунлиги 10 метргача, танаси эса инсонга нисбатан анча қалин бўлган. Қизиғи, балиқчи икки хил ҳаракатни кўрганини ва эҳтимол, бу икки хил жонзот бўлганини тахмин қилмоқда.

Видеони кўрган фойдаланувчилар дарҳол турли тахминларни илгари сура бошлашди:

• Катта питон ёки аллигатор;

• Сув каламуши ёки выдра;

• Баъзилар эса буни шунчаки иллюзия ёки камера хатоси деб ҳисоблади;

• Кимлардир эса “Паразитлар” фильмини эслаб, балиқчига у ерга қайтмасликни маслаҳат беришди;

• Яна бошқалар буни замонавий мифология ва “ўлмас” афсоналар жонланаётгани деб баҳолади.

Бу биринчи марта эмас

Қизиғи, бу каби воқеа аввал ҳам кузатилган. 2022 йили ҳам шунга ўхшаш видео тармоқда тарқалган эди. Аммо ўша ҳолатда "монстр" деб тахмин қилинган жисм оддий сув буйи экани аниқланган. Аммо бу сафарги видеода жонзот ҳаракатланаётгани кўриниб тургани боис, иш анча жиддий кўринмоқда.