«Բնության հե՞տ կռիվ տաս». երևանյան շոգերի վերջը չի երևում
Երևանի փողոցնում մարդիկ անցուդարձ են անում սառը ըմպելիքներով, շատերը սառույցով շշեր ունեն, պաղպաղակներ, հովհարներ, տղամարդկանց վերնաշապիկներն են խորը բացվածքով, կանայք ավելի բացվածքներով... Արդեն 26 օր Երևանում անոմալ շոգ է:
Հիդրոօդերևութաբանության և մոնիթորինգի կենտրոնի փոխտնօրեն Գագիկ Սուրենյանի մեկնաբանմամբ՝ քաղաքացիներին վերջին շաբաթների շոգը աննախադեպ է թվում տևողության պատճառով, երեկոյան ուշ է զովանում, սրանից բացի հուլիս 12-ից Հայաստան ներխուժած Իրաքի տաք արևադարձային ալիքը նորմայից մի քանի աստիճանով բարձր ջերմաստիճաններ առաջացրել. պատմական ռեկորդներ, սակայն, ըստ Սուրենյանի, չեն գրանցվել, Երևանում, օրինակ, 2018-ի հուլիսի 12-ն ավելի շոգ է եղել՝ 42.4 աստիճան, հիմա ամենաբարձրը 41.9 էր՝ 5 օր առաջ: