Талоқ дар Тоҷикистон камтар шудааст
Вазорати адлияи Тоҷикистон мегӯяд, имсол ҷудошавии оилаҳо дар Тоҷикистон камтар шудааст.
Тибқи омори расмӣ, дар нимаи аввали соли равон дар Тоҷикистон 4117 оила барҳам хӯрдааст, ки дар қиёс ба ҳамин давраи соли гузашта 291 адад камтар будааст.
Намояндагони Вазорати адлия гуфтанд, омори барпошавии оилаҳо тақрибан бетағйир аст. Дар ним сол дар кишвар каме бештар аз 30 ҳазор ақди никоҳ сабт шудааст.
Пошхӯрии оилаҳо ва маҳрум шудани фарзандон аз тарбияи яке аз волидайн, солҳост, ки аз мавзуъҳои нигаронкунанда дар ҷомеаи Тоҷикистон аст.