Юрист кайсы очракларда паспортны алыштырырга кирәклеген әйтте
Тышкы күренеше җитди үзгәргән очракта гражданин паспортын алыштырырга тиеш. Россия Юристлар ассоциациясе әгъзасы Валерия Стародубова шулай дип белдерде. Бу хакта РИА Новости агентлыгы хәбәр итә.
Ул мондый таләпнең 2023 елның 28 апрелендәге «Россия Федерациясе гражданлыгы турында»гы 138нче Федераль законда һәм Хөкүмәтнең 2023 елның 23 декабрендәге 2267нче карары белән расланган РФ гражданины паспорты хакындагы Нигезләмәдә беркетелүен искәртте.
Стародубова сүзләренчә, паспортның тышкы күренеше җитди үзгәрүгә чир яки медицина катнашлыгы, шул исәптән пластик операцияләр нәтиҗәсендә барлыкка килгән үзгәрешләр керә.