Bagasjeproblem fører til kø på Flesland

Avinor stadfestar at det har vore utfordringar med bagasjeanlegget på Bergen lufthavn Flesland.

NRK har fått tips om at det søndag hopar seg opp med bagasje, bilete viser også store mengde bagasje som ikkje har blitt sendt av garde fordi bagasjebandet står i ro. Tipsar opplyser at det har kome informasjon over høgtalar om at det er straumstans på bagasjebandet.

Avinor stadfestar hendinga og seier at ein teknikar no jobbar med å rette feilen.

– Vi håper anlegget vil vere tilbake i normal drift veldig snart, seier pressevakt Carita Storm Røsaasen.

Ho vil ikkje utelukke at problema kan føre til forseinkingar i flytrafikken.

– Vi har nytta alternativ løysing den siste timen ved å sende bagasje på band som ikkje har vore råka av feilen. Dette har ført til lenger ventetid for å få levert bagasje for mange, og det beklagar vi.