Ербол Қарашөкеев құрылысшыларды кәсіби мерекесімен құттықтады
Жамбыл облысының әкімі Ербол Қарашөкеев Құрылысшы күні кәсіби мерекесіне орай сала ардагерлері мен қызметкерлеріне құрмет көрсетті.
Өңірде құрылыс көлемі жылдан жылға артып келеді. Өткен жылы 127,1 млрд теңгеге 124 әлеуметтік нысан пайдалануға берілді.
Биыл жалпы құны құны 205,9 млрд. теңгені құрайтын 185 жоба іске асырылуда. Атап айтқанда, 52 көпқабатты тұрғын үй, 26 жаңа мектеп, 9 денсаулық сақтау, 15 спорт, 12 мәдениет, 5 ауыл шаруашылығы нысаны және 61 инфрақұрылым жобалары бойынша құрылыс қарқынды жүргізілуде.
2025 жылдың қорытындысы бойынша 257,1 мың шаршы метр тұрғын үй пайдалануға беріледі. Нәтижесінде кезекте тұрған 3 805 отбасы қоныс тойын тойлауға мүмкіндік алады. Бұл өткен жылмен салыстырғанда 34,4 пайызға жоғары (2024 ж. – 2 830 пәтер).
– Құрылыс саласы – экономиканың негізгі тіректерінің бірі. Қазіргі таңда елімізде бұл сала қарқынды даму үстінде. Бұл – сіздердің кәсіби шеберліктеріңіздің, табанды еңбектеріңіздің және адал қызметтеріңіздің нақты нәтижесі. Құрылысшылардың қолтаңбасы әрбір бой көтерген тұрғын үйде, мектеп пен ауруханада, сондай-ақ инфрақұрылымдық нысандарда көрініс табуда. Сіздер ел игілігі үшін еңбек етіп, халықтың әл-ауқатының артуына зор үлес қосып келесіздер, – деді облыс әкімі құттықтау сөзінде.
Салтанатты шара марапаттау рәсімімен жалғасты.
Мемлекет басшысының Жарлығына сәйкес «SULTAN CITY GROUP» ЖШС-ның құрылыс шебері Мұрат Айболов пен «Темір Строй Сервис и Ко» ЖШС-ның газэлектр-дәнекерлеушісі Ахан Батихов «Құрмет» орденімен наградталды.
«Тараз құрылыс Дизайн» ЖШС-ның бас инженері Қайрат Таубалдиев, «ЕрНұрЖан Құрылыс-2010» ЖШС-ның кран машинисі Исмаил Мавлюдов және «ӨРКЕН» ЖШС-ның құрылыс шебері Ильдус Зимуков «Ерен еңбегі үшін» медалін иеленді.
Сонымен қатар бірқатар құрылысшыға ҚР Өнеркәсіп және құрылыс министрінің, Жамбыл облысы әкімінің Құрмет грамотасы мен Алғыс хаты салтанатты түрде табысталды.
Басқосуда құрылысшылардың атынан сала ардагері, «Сырым Білеке» ЖШС директоры Елмұрат Күнібеков құттықтау сөз сөйледі.
Сообщение Ербол Қарашөкеев құрылысшыларды кәсіби мерекесімен құттықтады появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.