Азнакайда гармунчылар фестивале Шәфәгать Салиховның истәлегенә багышланды
Азнакай районы Татшуган авылында «Бер егет гармун сайлый» дип исемләнгән фестиваль узды. Ул Татарстанның атказанган мәдәният хезмәткәре, авылдашлары Шәфәгать Салиховның якты истәлегенә багышланды. Бу хакта «Азнакай» сайтында Нәсимә Фазлыева яза.
Фестиваль танылган гармунчының якыннарын, дусларын, авылдашларын, гомумән, җыр-моң сөйгән һәммәсен җыйды.
Бәйрәмгә килүчеларне район башкарма комитеты җитәкчесе урынбасары Рәмис Ханнанов,Татшуган авыл җирлеге башлыгы Мансур Хәйретдинов сәламләде.
Артистның дуслары,якыннары, авылдашлары Шәфагать Салихов турында якты истәлекләре белән уртаклашты.
Видео: «Маяк»