Роналду Жоржинага 310 минг евролик совғалар ҳадя қилди
Криштиану Роналду севгилиси Жоржина Родригес билан никоҳланиш арафасида унга қимматбаҳо совғалар улашди, деб Sportmail.ru хабар берди. Жоржина яқинда ўз бармоғидаги узукни намоён қилиб, расман турмушга чиқишини маълум қилган эди.
Манбаларга кўра, Роналду Жоржина учун жами 310 минг евродан зиёд маблағ сарфлаган. Совғалар ичида 91 минг евро турувчи Porsche Taycan электромобили, Audemars Piguet ва Patek Philippe соатлари, Dior ва Louis Vuitton сумкалари ҳамда 21,7 минг евролик турли кийим-кечаклар бор.
Яқин кишиларнинг таъкидлашича, Роналду барчасини махсус тайёрлаган. У Жоржина автомобилларни, айниқса электр моделларини ёқишини билади. Шунингдек, соатлар, бренд сумкалар ва кийимлар унинг юракдан яхши кўрадиган совғалари экан. Жуфтлик 2026 йил Жаҳон чемпионатидан сўнг катта тўй ўтказишни режалаштирмоқда.