Тосын жайт: өгей әкесі құлдықта ұстады деп айыптаған балалардың анасы күйеуін қорғады
Жамбыл облысында "құлдықта ұсталғанын" және жұмыс істеуге мәжбүр болғанын айтқан жасөспірімдердің анасы қазір қамауда отырған күйеуін қорғап шықты. Оның видеосы әлеуметтік желіде тарады, - деп хабарлайды Tengrinews.kz тілшісі.
Ананың пікіріӘйелдің айтуынша, балалар өгей әкесіне жала жапқан. Ол күйеуімен бес жылдан бері бірге тұратынын және зорлық көрмегенін жеткізді.
"Егер олар 5 жыл бойы қорлық көрсе, неге сол кезде қашып кетпейді?! Бәрі жалған", - деді ол.
Жасөспірімдердің денесіндегі көгерген жерлері туралы сұраққа ананың жауабынша, күйеуі балаларды ұрмаған.
"Күйеуім де, балалар да намаз оқиды. Ешкімді мәжбүрлемеген. Ал іздерге келетін болсақ, ол ояту үшін камшымен жерді ұрған", - деді әйел.
Ол күйеуін қорғауды, тіпті оның кінәлі екені дәлелденсе де, оны қорғап алып шығатынын айтты.
"Мен оны алып шығу үшін аяғына дейін барамын. Екеуі де мен үшін қымбат", - деді ана.
Іс туралы не белгілі?
Еске сала кетейік, бұған дейін желіде Талас ауданындағы екі баланың видеосы тараған еді. Онда оларды өгей әкесі күштеп ұстап, мал бағып жұмыс істеткенін айтқан. Балалардың сөзінше, ол телефондарын тартып алған және әр жоғалған қой үшін ұрған.
Жамбыл облысы полициясы қылмыстық іс қозғағанын растады. Жасөспірімдерді Таразға, Балаларды қолдау орталығына жіберген, онда оларға психологиялық және заңдық көмек көрсетіліп жатыр. Тергеуге құқық қорғау органдары қызметкерлері мен балалар омбудсмені қатысып отыр.
Контекст
Журналистердің мәліметінше, әйел - алты баланың анасы, 2019 жылы қайта тұрмысқа шыққан. Үш ұлы өгей әкесінен қысым көрсетілгенін айтады.
Тергеу жалғасып жатыр, қорытынды комиссия жұмысы мен сот шешімінің нәтижесінде жасалады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!