Италиялик спортчи Ченду мусобақасида фожиали ҳалок бўлди
Италиялик спортчи Матиа Дебертолис Хитойнинг Ченду шаҳрида бўлиб ўтаётган XII Бутунжаҳон ўйинлари давомида ҳаётдан кўз юмди. Бу ҳақда BBC Sport хабар тарқатди.
Маълумотларга кўра, 8 август куни спорт йўналиши бўйича ўрта масофадаги югуриш баҳсида қатнашган Дебертолис кучли иссиқ сабабли ҳушидан кетган.
Спортчига дарҳол тиббий ёрдам кўрсатилиб, шифохонага олиб борилган. Бироқ шифокорларнинг саъй-ҳаракатларига қарамасдан, у 12 август куни вафот этган.
Мусобақа ташкилотчилари ҳамда Халқаро спортив-йўналиш федерацияси марҳум спортчининг оиласи ва яқинларига чуқур ҳамдардлик билдириб, зарур ёрдам кўрсатишга тайёр эканини маълум қилди.