"Сезон" бошланди: Мактаб бозорлигида ота-оналарга қанча харажат кетади?
Август ойи ҳар йили кўпчилик учун мактабга тайёргарлик кўриш ва унга мўлжалланган харидларни амалга ошириш вақти бўлиб, у эндиликда норасмий тарзда бозорлик ойига айланиб улгурди. Ўзбекистонда, анъанавий бозорларга бориб, фарзандига керакли буюмларни танлаб олиш — кўпчилик учун қулай ва одатий усул бўлган. Аммо замонавий маркетплейсларнинг ривожланиши билан, уйдан чиқмасдан ҳам мактаб учун харидларни амалга ошириш имконияти пайдо бўлди.
Канстоварлар:
Ручка (5 дона) – 7 000 сўм;
Қора қалам (3 дона) – 6 000 сўм;
12 вароқли дафтар (10 дона) – 20 000 сўм;
Умумий дафтар (15 дона) – 50 000 сўм;
Рангли қалам (12 хил рангли) – 15 000 сўм;
Жилд (китоб) – 15 000 сўм;
Жилд (дафтар) – 8 000 сўм;
Пенал – 15 000 сўм;
Ўткирлагич – 9 000 сўм;
Ўчириш учун ускуна – 6 000 сўм;
Чизғичлар тўплами – 25 000 сўм;
Расм дафтари (24 вароқли) – 15 000 сўм.
Мактаб форми:
Ўғил болалар учун:
Оқ кўйлак – 175 000 сўм;
Классик шим – 250 000 сўм;
Туфли – 300 000 сўм;
Бўйинбоғ – 40 000 сўм;
Қиз болалар учун:
Юбка – 200 000 сўм;
Оқ кофта – 250 000 сўм;
Туфли – 250 000 сўм;
Калготкалар – 125 000 сўм;
Соч банти – 50 000 сўм.
Мактаб сумкаси – 100 000 сўмдан бошланади;
Дастрўмол (дона) – 20 000 сўм;
Пайпоқ (1 жуфт) – 20 000 сўм.
Жами ҳисобда:
Бир ўғил бола учун мактаб бозорлиги ўртача 1 млн 96 минг сўмни ташкил этса, бир қиз бола учун эса бу миқдор 1 млн 206 минг сўмга тўғри келмоқда. Агар бир оилада икки фарзанд мактабга борса, ўртача бозорлик харажати 2 млн 300 минг сўм бўлади.
Барча нархлар ҳозирги кунга, Ўзбекистондаги оммабоп маркетплейслардаги ўртача нархлар асосида келтирилди, ва маҳсулотнинг сифат ва ҳажмига қараб нархларда фарқлар бўлиши мумкин.