Андижонда Damas йўлни кесиб ўтган болани уриб юборди
Андижон вилояти Асака туманида йўл-транспорт ҳодисаси рўй берди. Бу ҳақда ЙҲХБ матбуот хизмати маълумот берди.
Маълумотларга кўра, воқеа жорий йил 20 август куни соат 15:00 атрофида “Беруний” маҳалласи, Ал-Бухорий кўчасида содир бўлган.
1991 йилда туғилган ҳайдовчи Ж.Р. бошқарувидаги Damas автомобили йўлнинг белгиланмаган жойидан кесиб ўтаётган 2019 йилда туғилган болани уриб юборган.
Ҳодиса натижасида 6 ёшли пиёда енгил тан жароҳати олган ва Асака туман тез ёрдам бўлимига олиб борилган.
Ҳозирда ушбу ҳолат юзасидан ҳуқуқ-тартибот органлари томонидан текширув ишлари олиб борилмоқда.