3500 милиция қызметкері: Бішкек Тоқаевтың ресми сапарына дайындалып жатыр
21–22 тамызда Қазақстан Президенті Қасым-Жомарт Тоқаев Қырғызстанға ресми сапармен барады. Ресми іс-шаралар кезінде қауіпсіздік пен тәртіпті қамтамасыз ету үшін Бішкекте шамамен 3500 милиция қызметкері жұмылдырылады, - деп хабарлайды Tengrinews.kz тілшісі Қырғызстан ІІМ-не сілтеме жасап.
Көлік қозғалысына шектеу
ІІМ мәліметінше, Тоқаевтың сапары күндері құқық қорғау органдары күшейтілген режимде жұмыс істейді. Көлік қозғалысы делегация кортежі өткен уақытқа ғана уақытша тоқтатылады.
Шектеулер бірнеше бағытты қамтиды: "Манас" әуежайынан мемлекеттік резиденцияға дейін, одан әрі Дооронбек Садырбаев көшесі арқылы "Ата-Бейіт" мемориалдық кешеніне дейін, сондай-ақ Тоголок Молдо көшесі бойымен.
Тоқаевтың Қырғызстанға сапары
Еске салайық, бұған дейін Қазақстан Президенті Қасым-Жомарт Тоқаевтың 22 тамызда Қырғызстанға ресми сапармен баратыны хабарланған. Бішкекте Қасым-Жомарт Тоқаев пен Қырғызстан Президенті Садыр Жапаровтың келіссөздері өтеді. Сондай-ақ мемлекет басшылары Қазақстан мен Қырғызстанның Жоғары мемлекетаралық кеңесінің отырысына қатысады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!