د سیند چارواکي وايي، په کراچۍ ښار کې د بارانونو پر مهال پېښو لسګونه کسانو ته مرګژوبله اړولې ده. چارواکو د اګست پر ۲۰مه مشال راډیو ته وویل، د اګست پر ۱۹مه او ۲۰مه د پرله پسې بارانونو پر مهال پېښو لږ تر لږه ۱۷ کسان وژلي او تر ۳۰ زیات یې ژوبل کړي دي. دوی وايي، مرګژوبله د برېښنا د تارونو شارټ کېدو او د کورونو د بامونو او دېوالونو پرېوتو له وجې شوې ده. د ابادۍ له پلوه د پاکستان په هغه تر ټولو لوی ښار کې لا هم پر ځینو سړکونو اوبه ډنډ دي او خلک په تګ راتګ کې له ستونزو سره مخامخ دي. تفصیل په ویډيويي رپورټ کې.
