Тошкент — Урганч йўналишида қўшимча рейслар амалга оширилади
Uzbekistan Airways Тошкент — Урганч йўналишида қўшимча рейсларни амалга ошириши ҳақида маълум қилди, деб Kursiv хабар берди.
Маълумотга кўра, 25–29 август кунлари Тошкент — Урганч — Тошкент йўналишида қўшимча авиақатновлар ташкил этилади. Чипталарни booking.uzairways.com сайти, мобил иловалар ва расмий филиаллар орқали сотиб олиш мумкин.
Компания шунингдек, шахсий маълумотлар сизиб чиққани ҳақидаги хабарларни рад этди. Айни вақтга қадар йўловчи ёки ходимларга оид маълумотлар ошкор қилинганига оид бирорта ҳам ҳолат қайд этилмаган. Барча тизимлар одатдаги тартибда ишламоқда.