Бу ҳафта олтиннинг сотув нархи қанчага ошгани маълум бўлди
Ўзбекистон Республикаси Марказий банки томонидан эълон қилинган олтин қуймаларнинг кунлик сотув нархлари бўйича ҳафталик таҳлилга кўра, 2025-йил сентябрь ойининг биринчи иш ҳафтасида бир грамм олтин нархи умумий ҳисобда 52400 сўмга қимматлашди. Бу эса энг кичик 5 граммлик олтин қуйманинг нархи 262000 сўмга қимматлашганини кўрсатади.
Мутахассисларининг фикрича, глобал геосиёсий вазиятлар, халқаро молия бозорларидаги ўзгаришлар ва валюта курсларининг тебраниши Ўзбекистон олтин нархларига ҳам бевосита таъсир кўрсатмоқда. Шунингдек, аҳолининг инвестицион мақсадларда олтин қуймаларини харид қилишга бўлган қизиқиши нархларга қўшимча босим сифатида таъсир қилмоқда.