Хитой орбитага Yaogan-40 суний йўлдошларининг учинчи гуруҳини муваффақиятли олиб чиқди

Хитой орбитага Yaogan-40 масофавий зондлаш сунъий йўлдошларининг учинчи гуруҳини муваффақиятли олиб чиқди. Бу ҳақда Хитой аэрокосмик фан ва технология корпорацияси (CASC) маълум қилмоқда.

CASC хабар беришича, учириш жараёни муваффақиятли ва мукаммал амалга оширилган. Маълумотларга кўра, учириш Пекин вақти билан 00:34 да шимолий Шаньси провинциясидаги Тайюань космодромидан амалга оширилган. Ушбу сунъий йўлдошлар CZ-6A ("Чанчжэн-6-эй") ракета ташувчиси орқали орбитага етказилган. Бу Чанчжэн серияли ракеталар учун 593-учириш бўлиб ҳисобланади.

Yaogan-40 сунъий йўлдошлари асосан электромагнит муҳитни тадқиқ қилиш, атмосфера ва космик муҳитни ўрганиш ҳамда турли илмий тажрибаларни амалга ошириш мақсадида мўлжалланган. Уларнинг орбитага чиқиши Хитойнинг космик технологиялар соҳасидаги салоҳиятини яна бир бор намойиш этди.

Мавжуд маълумотларга кўра, ушбу сунъий йўлдошлар орбитада барқарор ҳаракат қилиб, ўз вазифаларини самарали бажариши кутилмоқда. Экспертлар фикрича, Yaogan-40 гуруҳи Хитойнинг орбита тадқиқотларини кенгайтириш ва электромагнит муҳитдаги тажрибаларни ривожлантиришда муҳим аҳамият касб этади.

CASC масъуллари бу учириш Хитойнинг илмий тадқиқотлар ва замонавий аэрокосмик технологиялар соҳасидаги устувор йўналишини кўрсатиши ва келажакдаги космик лойиҳалар учун асос яратиши ҳақида таъкидлашган.