Алматыдағы Әуезов ауданында өрт шықты
7 қыркүйекте Алматыдағы Әуезов ауданында өрт шықты, - деп хабарлайды Tengrinews.kz тілшісі қалалық ТЖД баспасөз қызметіне сілтеме жасап.
Ведомство мәліметінше, дабыл қоңырауы кезекші пультіне сағат 10:23-те түскен. Өртсөндірушілер 10:59-да "Ветеран" шаруашылық ғимаратты және оның жалғасындағы үш қабатты үйдің шатырына тараған өртті ауыздықтады.
Оқиға орнында үздіксіз су жеткізу қамтамасыз етілді. Қалалық ТЖД-ның 32 қызметкері мен тоғыз техникасы жұмылдырылды.
Шатырдың бір бөлігі құлаған. Қауіпсіздік техникасы сақталып жұмыс жүргізіліп жатыр. Зардап шеккендер туралы ақпарат түскен жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!