Қозоғистон ва Ўзбекистон ҳарбий машғулотлар ўтказади
Қозоғистон ва Ўзбекистон расмийлари доимий равишда қўшма ҳарбий машғулотлар ўтказишга келишиб олди. Бу ҳақда Uz.kursiv.media хабар берди.
Янги келишувга кўра, машғулотлар ҳар икки давлат ҳудудида навбат билан ўтказилади. Уларда қуруқлик қўшинлари, авиация ҳамда махсус техникалар иштирок этади.
Ҳужжат чегарадан ҳарбий колонналарни ўтказиш тартиби, полигонлардан фойдаланиш, тиббий ва техник таъминот каби масалаларни ҳам тартибга солади.
Беш йилга мўлжалланган келишув томонлардан бири рад этмаса, автоматик равишда узайиб боради. Мутасаддилар фикрича, бундай ҳамкорлик минтақада хавфсизликни мустаҳкамлаб, икки армия ўртасида ўзаро ишончни кучайтиради.
Сиз қандай ўйлайсиз, қўшни давлатлар орасидаги ҳарбий машғулотлар бутун минтақани барқарор қилишга хизмат қиладими?