Оққуш кийимидаги эркак Патриарх кўлида ҳибсга олинди
Москванинг Патриарх кўлида ноодатий саҳна юз берди — оққуш либосида СУП тахтасида сузган эркак полиция томонидан қўлга олинди, деб ёзади “Podyom”.
Акция иштирокчиси ниқоб, қанотли оққуш костюми ва “Оққушлар учун ҳовуз, ......учун эмас” ёзуви туширилган футболка кийган ҳолда чиқиш қилди.
Намойиш вақтида у мувозанатини йўқотиб, сувга қулаб тушди. Қирғоқда уни полиция кутиб олиб, майда безорилик бўйича протокол тузди ва бир кечага бўлимда қолдирди. Энди унга 1000 рублгача жарима ёки 15 кунгача қамоқ жазоси қўлланиши мумкин. Суд жараёни 8 сентябрь, душанба куни бўлиб ўтади.
Акциянинг ташаббускори сифатида СУП тахталари ишлаб чиқарувчи PointBreak компанияси ўзини таништирди.
“Биз сув қушларини ҳимоя қилишни мақсад қилдик. 'Биз ҳам бир хил сув устида юряпмиз', – деди компания вакили. Унга кўра, Патриарх кўлида оққушларнинг эркинлиги чекланмоқда ва улар доимий равишда сайр қилувчилар томонидан безовта қилинмоқда. Шунинг учун бу чиқиш оққушлар ҳуқуқини қўллаб-қувватлаш рамзи сифатида ўтказилди.”