“Lilo & Stitch” Россияда ёзнинг энг кўп пират релизи

Россияда ёз мавсумида энг кўп норасмий томоша қилинган фильм сифатида “Lilo & Stitch” қайд этилди. Бу ҳақда “Фильм дистрибюторлари бюллетени” маълум қилди.

Ҳисоб-китобларга кўра, ушбу релизнинг “соя кассаси” 700–800 миллион рублга баҳоланмоқда. Фильм 2002 йилда чиққан шу номдаги машҳур мультфильм асосида ишланган бўлиб, унда Гаваяда яшовчи Лило исмли қиз ва унинг ноодатий дўсти Ститчнинг саргузаштлари акс этган.

Янги версияда Ститчни яна Крис Сандерс овозлаган. Лило ролини Мая Кеалоха, унинг опаси Нанини эса Сидней Элизабет Агудонг ижро этган. Шунингдек, фильмда Зак Галифианакис, Билли Магнуссен ва Ханна Уоддингем ҳам суратга тушишган. Картинага Дин Флейшер Камп режиссёрлик қилган.

Жонли ремейк глобал миқёсда 1 миллиард доллардан ортиқ даромад йиғиб, 2025 йилда бундай натижага эришган илк Голливуд фильми бўлди.

Россияда ёзги пират рейтингида иккинчи ўрин “Аждаҳони қандай ўргатиш керак” (420–480 миллион рубл), учинчи поғона эса “Minecraft in Cinema”(300–350 миллион рубл)га насиб этди. Тўртинчи ўринда Бред Питт суратга тушган Ф1 спорт драмаси (280–320 миллион рубл), бешинчи ўринда эса “Юра даври дунёси: Қайта тирилиш” (180–220 миллион рубл) қайд этилди.