Алдағы күндер жауын-шашынды болады
«Қазгидромет» РМК синоптиктері республика бойынша 9,10 және 11 қыркүйек күндеріне арналған ауа райы болжамын жариялады.
Алдағы күндері республиканың басым бөлігінің ауа райын батыс циклоны мен онымен байланысты атмосфералық фронттар айқындайды.
Жекелеген өңірлерде жаңбыр мен найзағай болады: солтүстікте, 9–10 қыркүйекте солтүстік-батыста, 9 және 11 қыркүйекте шығыста, 10–11 қыркүйекте республиканың оңтүстік-шығысы мен орталығында жаңбыр мен бұршақ жауып, дауылды жел тұрады. Республиканың көптеген аумағында жел күшейеді, солтүстік-батыста, солтүстікте, шығыста, орталықта түнгі және таңғы уақытта тұман түседі. Елдің оңтүстігінде шаңды дауыл болады.
Температуралық фон бойынша төмендеу болжанады:
Батыста түнде +5…+16°С, күндіз +18…+25°С;
Солтүстік-батыста түнде +1…+11°С, топырақ бетінде 2°С үсік, күндіз +8…+16°С, аймақтың оңтүстігінде +23°С дейін;
Солтүстікте түнде +5…+10°С, күндіз +9…+15°С;
Орталықта түнде +5…+13°С, күндіз +13…+21°С;
Шығыста түнде +3…+11°С, күндіз +10…+20°С;
Оңтүстікте түнде +10…+20°С, күндіз +23…+33°С.
Елдің оңтүстік-батысы мен оңтүстік-шығысында температуралық фонда айтарлықтай өзгерістер күтілмейді.
Айта кетелік Қазгидромет 8 қыркүйекте ауа райына байланысты еліміздің бірқатар өңірінде дауылды ескерту жариялаған еді.
Сообщение Алдағы күндер жауын-шашынды болады появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.