Жаңбыр, найзағай және бұршақ. Алдағы күндері ауа райы қандай болады?
Қазгидромет синоптиктері 9, 10 және 11 қыркүйекке арналған ауа райы болжамын ұсынды, - деп хабарлайды Tengrinews.kz тілшісі.
Жаңбыр, найзағай және бұршақ
Алдағы күндері республиканың басым бөлігіне ауа райына батыс циклоны және соған байланысты атмосфералық фронттар әсер етеді, жекелеген өңірлерде найзағай ойнап, жаңбыр жауады. 9-10 қыркүйекте солтүстік-батыста, 9 және 11 қыркүйекте шығыста, 10-11 қыркүйекте оңтүстік-шығыста, республиканың орталығында қатты жаңбыр, бұршақ, дауыл күтіледі.
Республика бойынша желдің күшеюі болжанады, солтүстік-батыста, солтүстікте, шығыста, Қазақстанның орталығында түнгі және таңертеңгі сағаттарда тұман түседі. Елдің оңтүстігінде құмды дауыл болжанады.
Ауа температурасы қандай болады?
Ауа температурасы төмендейді деп күтіледі:
Қазақстанның батысында түнде +5…+16, күндіз +18…+25;
Солтүстік-батыста түнде +1…+11, топырақ бетінде 2 градусқа дейін үсік, күндіз +8…+16, өңірдің оңтүстігінде +23-ке дейін;Солтүстік облыстарда түнде +5…+10, күндіз +9…+15;
Орталықта түнде +5…+13, күндіз +13…+21;
Шығыста түнде +3…+11, күндіз +10…+20;
Оңтүстікте түнде +10…+20, күндіз +23…+33.
Қазақстанның оңтүстік-батысы мен оңтүстік-шығысында температуралық фонда айтарлықтай өзгерістер болжанбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!