Ливерпулдаги жаҳон чемпионатида 7 нафар боксимиз рингга чиқади
Айни кунларда Англиянинг Ливерпул шаҳрида катталар ўртасидаги нуфузли Жаҳон чемпионати қизғин паллага кирди. Турнирнинг бешинчи куни нимчорак босқич баҳслари билан давом этмоқда. Бу босқичда ғолиб чиққанлар чорак финалга йўлланмани қўлга киритиш имконига эга бўладилар.
Бугун ўзбек боксчилари учун ўта масъулиятли кун бўлади. Чунки 7 нафар ҳамюртимиз рингга кўтарилиб, ғалаба учун кураш олиб боради. Ҳар бир жанг мухлислар томонидан катта қизиқиш билан кузатилиши табиий.
Жуфтликлар қуйидагича шаклланган:
-54 кг вазн тоифасида Нигина Ўктамова венгриялик Анна Лакотарга қарши А рингда рингга чиқади.
-70 кг вазнда Шавкатжон Болтаев испан боксчиси Бернад Мартинез билан А рингда тўқнашади.
-90 кг вазн тоифасида Тўрабек Хабибуллаев грек рақиби Вагкан Нанитзаниан билан Б рингда баҳс олиб боради.
-65 кг вазнда Навбаҳор Ҳамидова бельгиялик Ошин Дериеув билан Б рингда куч синашади.
-60 кг тоифасида Абдумалик Халоков италиялик Жиусеппе Канонико билан А рингда тўқнашади.
-75 кг вазн тоифасида Фазлиддин Эркинбоев туркиялик Султан Османли билан Б рингда юзма-юз келади.
+90 кг оғир вазн тоифасида Жаҳонгир Зокиров Германия вакили Никита Путиловга қарши А рингда рингга кўтарилади.
Шубҳасиз, ҳар бир жанг нафақат боксчиларимиз, балки бутун ўзбек спорт аҳли учун катта аҳамиятга эга. Ливерпулдаги бу катта мусобақада юртдошларимиз муносиб иштирок этиши мамлакатимиз шарафини янада юксалтириши табиий.
Мухлислар эса барча жангларни интиқлик билан кутмоқда ва боксчиларимизга омад тиламоқда.