Сайлауларда тавыш биреп, үз районыгыз тормышына йогынты ясый аласыз
14 сентябрьдә Татарстанда Бердәм тавыш бирү көне узачак. Республика халкына ТР Рәисен, шулай 7 663 җирле үзидарә органнары депутатын да сайларга туры киләчәк.
Бу елның иң зур сайлау кампаниясе, анда 11 меңнән артык кандидат катнаша.
Ни өчен бу мөһим
Муниципаль хакимият - идарәнең гражданнарга иң якын дәрәҗәсе. Кайсы ишегаллары беренче булып төзекләндерелүе, кайсы мәктәпнең беренче булып ремонтлануы, кайда спорт объектлары барлыкка киләчәге нәкъ менә депутатларның карарларына бәйле. Болар барысы да көндәлек тормыш уңайлылыгына турыдан-туры йогынты ясый.
Моннан тыш, җирле депутатлар мөстәкыйль рәвештә башкару авыр булган мәсьәләләрне хәл итәргә ярдәм итә. Аларга эш эзләгәндә, торак шартларын яхшыртканда, дарулар һәм медицина техникасы белән тәэмин иткәндә ярдәм сорап мөрәҗәгать итәләр. Шулай ук парламентарийлар пенсия, юридик һәм милек мәсьәләләре буенча консультацияләр бирәләр һәм төзекләндерү яки тәртип бозу проблемаларын хәл итүдә ярдәм итәләр. Һәрбер шундый сорау контрольгә алына һәм кешеләргә конкрет ярдәм күрсәтелә, дип яза «Татарстан – казанышлар республикасы» порталы.
Актив һәм ышанычлы депутат сайлау үз ишегалдыңның, урамның, районның һәм шәһәрнең үсешенә йогынты ясау мөмкинлеге бирә.
Сезнең хокук – сезнең сайлау
Сентябрь сайлауларында республикада илнең барлык алдынгы сәяси партияләре: «Бердәм Россия», «Яңа кешеләр», ЛДПР, КПРФ, «Гадел Россия – Патриотлар – Дөреслек өчен», «Россия коммунистлары», шулай ук «Социаль гаделлек өчен» пенсионерлар партиясе катнашачак.
Партия вәкилләреннән тыш, тавыш бирүдә үз-үзләрен тәкъдим итүчеләр дә катнаша. Бу һәр сайлаучыга үз мәнфәгатьләрен чагылдыра торган кандидат табарга мөмкинлек бирә.
Аңлы сайлау - киләчәк нигезе
Шуны истә тотарга кирәк: партия үсешнең гомуми юнәлешен билгели, ләкин сезнең округта реаль эшне конкрет кеше – депутат башкара. Шуңа күрә сайлаганда партиядән булуын гына түгел, кандидатның шәхси сыйфатларын да: аның тәҗрибәсен, кыйммәтләрен һәм конкрет территорияне үстерү буенча тәкъдимнәрен дә исәпкә алырга кирәк.
14 сентябрьдә үзегезнең сайлау участогыгызга килегез һәм районыгызның һәм бөтен республиканың киләчәге сезнең тавышка бәйле.