Путин 9 октябрьдә дәүләт визиты белән Таҗикстанга бара
Россия Президенты Владимир Путин 9 октябрьдә Таҗикстанга дәүләт визиты белән барачак. Бу хакта РФ Тышкы эшләр министры урынбасары Александр Панкин хәбәр итте, дип яза «ТАСС».
Дипломат билгеләп үткәнчә, Россия һәм Таҗикстан президентлары үзләренең шәхси үрнәкләре белән катлаулы халыкара шартларда дуслыкны сакларга кирәклеген күрсәтәләр.
Панкин алда торган сәфәр күп яклы мөнәсәбәтләр үсешенә яңа этәргеч бирәчәк һәм элемтәләрне киңәйтү өчен өстәмә юнәлешләр табарга ярдәм итәчәк, дигән ышаныч белдерде.