Питрәч районы Ленино-Кокушкино авылында Мәүлидне бәйрәм иттеләр
Питрәч районы Ленино-Кокушкино авылының «Шәһри Рамазан» мәчетендә үзенә бертөрле бәйрәм рухы хөкем сөрде. Монда мөселманнарның төп бәйрәмнәренең берсе — Мөхәммәд пәйгамбәрнең туган көнен билгеләп үтү өчен дин тотучылар җыелды. Бу хакта «Алга» сайтында Ольга Шәмсетдинова яза.
« Без Аллаһы Тәгаләгә бергә җыелу мөмкинлеге, динебезнең таралуы һәм чәчәк атуы өчен чиксез рәхмәтле. Мондый бәйрәмнәр күңелләребездә Аллаһка һәм бер-беребезгә карата мәхәббәтне ныгыта», диде чараны оештыручы Гөлсинур Зарипова.
Күркәм традиция буенча, кунакларның берсе дә буш кул белән килмәде. Һәр катнашучы алып килгән сыйлар һәм тәм-томнар җәмгыятьнең бердәмлеген һәм юмартлыгын тасвирлаучы зур уртак өстәлнең бер өлеше булды.
Мәчетнең имам-хатыйбы Ришат хәзрәт Галимҗанов җыелучыларга мәхәллә тормышында актив катнашулары өчен рәхмәт сүзләре белән мөрәҗәгать итте.
Бу якты көнне имам уртаклашкан иң шатлыклы хәбәр – мәчет янында мәдрәсә төзелеп бетү булды. Уку корпусын бары тик бер ел эчендә хәйриячеләрнең уртак тырышлыгы һәм ярдәме белән генә торгызырга мөмкин булды. Тиздән монда ислам нигезләрен һәм гарәп грамотасын тирәнрәк өйрәнергә теләүчеләр өчен ишекләр ачылачак.
Тулырак: https://pestrecy-rt.ru/news/jemgiyat/lenino-kokuskino-avylynda-maulidne-bairam-ittelar