Непалдаги норозиликлар 900 маҳбуснинг қамоқдан оммавий қочишига олиб келди

Непалда давом этаётган оммавий норозилик намойишлари фонида 900 га яқин маҳбус қамоқдан қочиб кетди. Бу ҳақда India Today нашри хабар тарқатди.

Маълумотларга кўра, Похра шаҳрида намойишчилар маҳаллий қамоқхонага босқин уриб кириб, полиция ходимларини тортишга мажбур қилишган. Воқеа жойидаги ходимлар вазиятни назорат қила олмаган.

Катманду шаҳрида эса намойишчилар Наху қамоқхонаси биносининг бир қисмини ёқиб юборган, бу орқали барча маҳбуслар озодликка чиқарилган. Озод қилинган маҳбуслар орасида собиқ ички ишлар вазири Рави Ламичҳане ҳам бор эди. Унга тарафдорлари йўл-йўриқ кўрсатиб, уйига етказишган.

Ҳозирда бу икки шаҳарда вазият кескин ва назоратсиз ҳолда давом этмоқда. Расмийлар хавфсизлик чора-тадбирларини сезиларли даражада кучайтирган ва қўшимча полиция кучларини жалб қилган.

Эслатиб ўтамиз, Непалдаги норозиликлар ва зўравон намойишлар давомида камида 22 киши ҳалок бўлган, шунингдек юзлаб одамлар турли даражада жароҳатланган. Хавфсизлик кучлари Федерал парламент биноси яқинидаги намойишчиларга нисбатан ўт очишган. Кейинроқ намойишчилар ҳукуматнинг муҳим иншоотларига ҳам босқин қилиб киришган, улар орасида парламент биноси ва Шитал Нивасдаги президент қароргоҳи ҳам бор эди.

Шунингдек, Непалнинг собиқ бош вазири Жаланат Хоналнинг рафиқаси Ражялакшми Читракар намойишчилар уйларига ҳужум қилиши натижасида вафот этгани маълум қилинган. Намойишчилар мамлакатдаги вазиятни ўз назоратига олганини даъво қилмоқда, бироқ Непал расмийлари бу маълумотларни рад қилмоқда.

Мамлакатдаги норозилик ва тартибсизлик ҳолати ҳануз эскилашмаган ва вазиятни барқарорлаштириш учун расмийлар ва хавфсизлик кучлари мунтазам чора-тадбирлар олиб бормоқда.