Анже Постекоглу: «Форест» билан илк мавсумдаёқ соврин ютишимга ишонаман
«Ноттингҳэм Форест»нинг бош мураббийи Анже Постекоглу жамоадаги илк мавсумидаёқ кубок ёки чемпионликка эришиш ҳақидаги эҳтимолларга тўхталди. Австралиялик мутахассиснинг таъкидлашича, унга шундай талаб қўйилиши мумкинлигини у инкор этмайди.
«Каръерамда биринчи мавсумимдаёқ совринларга эришган пайтларим кўп бўлган. Масалан, «Селтик»да дебют мавсумимдаёқ олтин дублга эга чиққанман. Шу боис, «Форест» билан ҳам буни такрорлашим мумкин, деб ўйлайман.
Эҳтимол, иккинчи мавсумда ҳам бу ерда қолиш учун мендан ғалаба ва кубоклар талаб қилинар. Мен буни тўлиқ қабул қиламан. Чунки фаолиятим давомида доим совринлар учун курашиб келганман ва бу ерда ҳам қўлимдан келганича ҳаракат қиламан», — деди Постекоглу.
Унинг фикрича, жамоадаги вазифалар ва клуб раҳбарияти қўйган мақсадлар аниқ: «Ҳар бир клуб муваффақиятни истайди, аммо бу ердаги йўналиш ва президентнинг қўлга киритган ташаббуслари амалда ҳам кўриниб турибди. Шароитлар эса мен учун жуда қулай ва идеал», — дея қўшимча қилди мураббий.
Маълумот учун, австралиялик 60 ёшли мутахассис «Ноттингҳэм Форест» билан 2027 йил ёзига қадар шартнома тузган.