Жол апатынан 10 адам қаза тапты: туыстары мәйіттерді тану үшін Маңғыстауға жеткізіледі
Ішкі істер министрінің тапсырмасымен Маңғыстау облысына Ұлттық ұланның авиациялық борты жіберілді, - деп хабарлайды Tengrinews.kz тілшісі.
Жол апатынан қаза тапқандардың туыстары марқұмдардың денесін тану және басқа қажет рәсімдерді өткізу үшін ұшып барады.
"Борт қаза тапқандардың денелерін өз аймақтарына жеткізу үшін де пайдаланылады. Қаза тапқандардың ішінде бес әйел Қарағанды облысынан, біреуі Астана қаласынан", - деп жазылған хабарламада.
Еске салайық, бұған дейін Маңғыстау облысында 10 адамның өмірін қиған жол апаты болғаны, ішкі істер министрінің тапсырмасымен жедел штаб құрылғаны хабарланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!