Таразда ер адам туған анасына қатысты жантүршігерлік қылмыс жасаған
Әлеуметтік желілерде ер адамның туған анасына қатысты жасаған сұмдық қылмысы жайлы ақпарат тарады, - деп хабарлайды Tengrinews.kz тілшісі.
Жазбаға қарағанда, Таразда 41 жастағы әйел ұлын зорлады деп айыптап, полицияға арыз жазған.
Жамбыл облысы полиция департаментінің баспасөз қызметі күдікті жәбірленушіге кім болып келетіні жөнінде нақтыламады. Алайда Тараз Полиция басқармасы Қылмыстық кодекстің 120-бабы 1-бөлігі ("Зорлау") бойынша сотқа дейінгі тергеу бастағаны хабарланды.
"Жедел-іздестіру іс-шараларының нәтижесінде полицейлер 22 жастағы күдіктіні анықтап, ұстады. Ол уақытша ұстау изоляторына қамауға алынды", ― деп хабарлады Жамбыл облысы ПД баспасөз қызметі.
Полиция қазіргі уақытта барлық қажетті тергеу іс-шаралары жүргізіліп жатқанын қосты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!