Бауман урамында Татарстан Дәүләт җыр һәм бию ансамбле оркестры чыгыш ясады
Татарстан Республикасы Дәүләт җыр һәм бию ансамбле оркестры Бауман урамында урнашкан Казан Мәчесе һәйкәле янындагы мәйданчыкта чыгыш ясады.
Чыгышларның 5 сентябрьдә башлануы, шулай ук 6-7, 12-14 сентябрьдә дә узуы турында хәбәр ителгән иде.
«Безнең республикабыз күпмилләтле. Шуңа репертуарыбызда күпчелек милләтләрнең мәдәниятен чагылдыручы композицияләр бар», – дигән сүзләр белән башланды чара.
Бәйрәмдә төрле милли җырлар яңгырады, Бауман урамында йөрүчеләр оркестрга кушылып җырлады, биеде, рәхәтләнеп күңел ачты.