Австралиялик аёл OnlyFans’дан кетиб, ўз фермасини очди
У платформада топган пулини сигир боқишга сарфлашга қарор қилди.
Фермер Белл тахаллуси билан танилган Австралиялик модель OnlyFans’’дан чиқиб, фаолиятини кескин ўзгартирди. Энди у сигир боқиш билан шуғулланмоқда. Бу ҳақда The Courier-Mail хабар берди.
Қиз автоҳалокатдан сўнг очиқ мазмундаги контент жойлаштиришни бошлаган. Орқа жароҳатланиши туфайли у ишсиз қолган. Айнан шу пайтда у OnlyFans’’да рўйхатдан ўтишга қарор қилди ва бу унга кутилмаган муваффақият келтирди. Умумий ҳисобда, Белл ўз нашрлари орқали бир неча миллион доллар ишлаб топди.
Бу пулларнинг бир қисмини касал онаси ва ака-ука, опа-сингилларига ёрдам беришга сарфлади. Кейинчалик у оилавий ишни давом эттиришга қарор қилди ва қишлоқ хўжалиги билан шуғуллана бошлади. Шунингдек, у Квинсленд ва Викторияда бир нечта объектлар сотиб олди ва Жанубий Бернеттда чорвачилик хўжалигини йўлга қўйди. Қиз ўз фермаларида ишлайди ва кўринишидан муваффақиятли. Яқинда у News Corp томонидан тузилган "2025 йилнинг энг яхши ёш фермерлари" рейтингида биринчи ўринни эгаллади.