Ўзбекистонда “Келажак” таълим маркази ташкил этилади
Ўзбекистон Президенти Шавкат Мирзиёев мамлакатда янги Республика таълим маркази — “Келажак”ни ташкил этиш тўғрисида фармон имзолади, деб Kursiv Media хабар берди.
Ушбу марказ “Баркамол авлод” мактаби ва Республика ўқувчи ва ёшлар маркази негизида ташкил этилади. Тошкент ва барча ҳудудларда филиаллар очилади ва улар ягона дастур асосида фаолият юритади.
Шунингдек, Бухоро, Наманган, Самарқанд ва Хоразмда “Келажак” марказлари қошида болалар учун турбазалар очилади. Марказларга мутахассислар ва хусусий таълим марказларини жалб этишга рухсат берилади.